منتدى مدرسةالسادات التعليمى

ثقافى ، تعليمى ، دينى ، رياضى ، اجتماعى ، هادف
 
الرئيسيةالبوابةس .و .جالأعضاءدخولالتسجيل
تتمنى إدارة المنتدى للأعضاء قضاء أسعد الأوقات وأجمل اللحظات فى المنتدى ***** تقدم أسرة المنتدى إلى السيدالأستاذ / عرفة محمد علاوى أخلص وأرق التهانى على عقد قران نجلته وتتمنى لها حياة سعيدة ***** تهنئ أسرة منتدى مدرسة السادات التعليمى العضو (مصطفى احمد) بعيد ميلاده 15 وتتمنى له عيد ميلاد سعيد ***** تقدم أسرة المنتدى أرق وأجمل التهانى للسيد الزميل / عبدالحميد إبراهيم إبراهيم لتوليه منصب القيادة الثانية بالمدرسة **** مع تحيات مدير المنتدى

شاطر | 
 

 هيا نتعلم البرمجة باستخدام Visual Basic.NET

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالعال طه



النقط : 3060
تاريخ التسجيل : 18/01/2010
العمر : 49

مُساهمةموضوع: هيا نتعلم البرمجة باستخدام Visual Basic.NET   الجمعة مارس 26, 2010 7:32 am

Visual Basic.NET هيا نتعلم البرمجة باستخدام
السلام عليكم

ان شاء الله تعالى سوف أبدأ سلسلة دروس اللغة البرمجية فيجوال بيسيك دوت نت على شكل دروس و حلقات أرجو أن تنفعكم فى تصميم برامج تعليمية و أن تساعد فى نشر الوعي بين شبابنا
بخاصة أن المستقبل لا يعرف الكسلان و المتراخى

المهمة قد تبدو شاقة
و تحتاج لنَفَس طويل
لكنها ليست مستحيلة بإذن الله تعالى

قبل أن نبدأ

تثبيت الفيجوال بيسيك لابد من لمحة سريعة عن تاريخه و معرفة المستجدات
التى أدخلتها ميكروسوفت عليه
يلا نستفيد من وقت القراءة و حمل نسخة فيجوال بيسيك اكسبريس من موقع ميكروسوفت و هى نسخة مخفضة الحجم و مجانية تقدمها ميكروسوفت لمن يريد تعلم الفيجوال بيسيك
Microsoft Visual Basic 2005 Express
حمل من هنا


الفرق الجوهري بين بيئة الويندوز و بيئة الدوس هو اعتماد الويندوز على ما يسمى Event لتفعيل الأوامر لنظام التشغيل بدلاً من كتابتها

و من أمثلة Event الضغط على زر الماوس على زر Button أو تصغير و تكبير ويندوز Resizing أو تغيير النص داخل مبربع نص Textbox


هناك أيضاً فرق مهم آخر و هو أن بيئة الويندوز تتولى التعامل مع Hardware أو مكونات جهاز الكمبيوترو الملحقات زى الطابعة و الاسكانر نيابة عن المستخدم User و يقوم الويندوز بهذه المهمة باستخدام طرق معينة يحفظها لديه تعرف بـ API = Application Programming Interface

أنا عارف انك مستعجل على البدأ فوراً فى البرمجة بس معلش المقدمة دى مهمة

يلا اعمل كوب عصير ليمون أو لبن دافى و اشربها و انتا بتقرأ

من أهم مزايا لغة فيجوال بيسيك أنها أزالت عبئ كتابة واجهة البرنامج User Interface = UI من على كتف المبرمج حيث يقوم المبرمج برسم الواجهة مباشرة ثم يضيف الكود Code اليه و يركز عليه.

بداية من الإصدار VB version 3 أصبح من السهل التعامل مع قواعد البيانات داخل الفيجوال بيسيك و استخدمت ميكروسوفت لذلك DAO = Data Access Objects

كان فيجوال بيسيك من البداية قابلا لإدخال التعديلات على عناصر Controls فيه فمثلاً كان من الشائع أن تشترى نوعيات مختلفة من الأزرار Buttons و التى قامت شركات صغيرة ببرمجتها باستخدام اللغة القوية ++C ثم يشتريها المبرمج و يدخلها على عمله و اشتهرت هذه بـ VBX Smile زى اسم مزيل العرق الشهير و طبعاً ميكروسوفت لم تسكت و أدخلت مفهوم جديد فى الاصدار VB version 5 و هو Active X الذى سمح للمبرمج بتصميم Controls براحته

داخل الفيجوال بيسيك
و الآن مع تثبيت الفيجوال اكسبريس

بعد أن تختار الفيجوال بيسيك من الرابط السابق
سوف يتم تحميل ملف صغير 3 ميجا يفتح على برنامج تحميل الفيجوال بيسيك اكسبريس
كالتالى



و طبعاً علشان معظمنا سرعة النت بطيئة
بس متخافوش !


ثم يبدأ التحميل:


بعد انتهاء التحميل :


و نفتحها على بركة الله :


يلا افتح معايا VB Express

و اضغط قائمة File و منها اختار New Project
أو اضغط Ctrl و معها الزر N

و توجد أيقونه على شريط الأدوات أيضاً


سيفتح معاك البرنامج لتصميم واجهة برنامجنا الصغير
و يعطيلك هذه الواجهة على شكل ويندوز فورم Form و سوف يسميها تلقائياً Form1

تجد على اليمين متصفح الحل أو Solution Explorer
و تحته تجد نافذه الخصائص Properties و كلاهما هام جداً كما سنرى بعد ذلك ان شاء الله

هيا قم بتعديل حجم الفورم كما يحلو لكَ أو لكِ
( عايز أسأل علاء لغة عربية هنا هيا لكى ولا لكِ )

ايه دا خرجنا عن النص

طيب أنا آسف Smile

نرجع تانى



و الآن يجب علينا تخصيص النافذة أو الفورم بوضع ما نحتاجه من عناصر مثلاً زر أو مربع نص أو صورة ... الخ الحاجات دى اسمها Controls طيب نجيبها منين علشان نلزقها على الفورم ؟

هتلاقى على اليسار حاجة اسمها Toolbox و هى عبارة عن شريط طولى لما نقرب منه بمؤشر الماوس تلاقيه يفتح لوحده و جواه الأدوات كلها :



هيا نضيف أداة تجعلنا نكتب نص على النافذة Form1
بحيث يكون نص ثابت ( يعنى ليس مربع نص )



هيا بنا نعدل خصائص الـ Label التى أضفناها
مثلاً عايزين يكون النص بتاعها ( بسم الله الرحمن الرحيم )
و يكون لونه أخضر بدل اللون التلقائى الأسود




هنا دور F4 أو نافذة الخصائص
Properties
اختر منها الخاصية Text و اجعل قيمتها :
بسم الله الرحمن الرحيم



نطلع بقى على الخاصية Fore Color
و نختار اللون Green من كارت Web علشان فيه ألوان جميلة هتعجبك !
( حاول تحفظ أسماء الألوان هتفيدنا بعدين )


بعد ذلك حرك البسملة ( و هى الآن نص الـ Label ) بحيث
تصبح موسطة فى الفورم


لاحظ الـ spelling بتاع خاصية Name كويس جداً
لأنها تفرق و لو فى حرف واحد عند كتابة الكود

طبعاً الفيجوال بيسيك سماها Label1 تلقائياً
مفيش مشكلة لو عايز تغيرها


و على فكرة

فيه طريقة حلوة و عالمية يعنى كل المبرمجين المحترفين فى العالم بيستخدموها فى تسمية
الـ Controls و هى انك تبدأ الاسم بحروف small مختصرة لنوع الكونترول يليها حرف Capital
لاسم انتا تختاره
مثلاً
lblBasmala
حيث lbl اختصار Label

btnExit
يعنى زر Button للخروج

imgOne
بمعنى مربع صورة رقم واحد

و هكذا - أو زى ما تحب بس تحفظ الاسم كويس

---------

تابعونى ان شاء الله فيه حاجات حلوة كتير

قبل ما أسيبكم
أكيد عايزين تشوفوا نتيجة شغلكم و تجريبه

اضغط F5 !!!!

قولى ايه اللى حصل معاك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sadat2.yoo7.com
 
هيا نتعلم البرمجة باستخدام Visual Basic.NET
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسةالسادات التعليمى :: قسم البرامج التعليمية-
انتقل الى: